Тулга Техник ХХК нь 1999 оны 01-р сарын 26 – ны өдөр байгуулагдсан.

    Үүнээс хойш зах зээлийн ширүүн өрсөлдөөний дунд  бид ажил үүргээ амжилттай хийж гүйцэтгэн 14 жил болж байна.

    Тулга Техник ХХКомпани нь Монгол улсын хэмжээнд байгаа худалдаа нийтийн хоолны газрууд, амралт сувилал,хүүхдийн зуслан, эмнэлэг,сургууль, цэцэрлэг, уул уурхайн компаниудын  гал тогооны  хөргөх , халаах, механик тоног төхөөрөмжинд техникийн бүх төрлийн засвар үйлчилгээ, угсралтын ажлыг хийж гүйцэтгэдэг ба  тоног төхөөрөмж,  сэлбэг материалаар хангадаг мэргэжлийн компани юм.          

    2010 оныг засгийн газраас “Жижиг дунд үйлдвэр эрхлэгчдийг дэмжих жил” болгон зарласантай холбогдуулан өрхийн амьжиргааны чадавхийг дээшлүүлэх, өрх бүрийг үйлдвэрлэгч байлгах зорилгоор өрхийн хэрэгцээ үйлдвэрлэлд зориулагдсан бага оврын хямд үнэтэй чанартай бүтээгдэхүүнүүдийг импортоор оруулж ирэн борлуулж байна. ОХУ-ын цөцгий , масло ялгагч, жимсний шүүс шахагч, хүнсний ногоо хатаах шүүгээ, Хятад улсын хэрчсэн гурлын машин, хайрагч төрөл бүрийн савлагч, вакуумдагч, талх нарийн боов,банш, хиам, махны үйлдвэрийн тоног төхөөрөмжүүдийг  Хас лизинг, Хаан банкны зээлийг нэвтрүүлэн худалдаалж байгаа нь хөдөөгийн ард түмний талархлыг хүлээсэн ажил болсон. Түүнчлэн манай орны хэрэгцээнд тохируулан цөцгий ялгагч төхөөрөмжийн 5 литрийн хуванцар савыг томруулан 8 л багтаамжтай хөнгөн цагаан савтай болгон өөрчлүүлсэн ба үнийг хэвээр хадгалуулсан.

     Бидний оруулж ирж буй энэ сүү боловсруулах тоног төхөөрөмжүүд нь ОХУлсын шилдэг 100 бүтээгдэхүүний  шагналтай.

    Тус компанийн инженер техникийн ажилтан албан хаагчид нь мэргэжлээрээ

 15-30 жил ажиллаж  буй туршлагатай хамт олон юм . 2012 онд  нийт 15 ажилчинтай ажилласан.  2011 онд бид  өөрийн нэрийн барааны дэлгүүрээ шинээр нээсэн ба түүгээр  дамжуулан тоног төхөөрөмж, сэлбэг материалаа борлуулдаг болсон ба байнгын идэвхитэй үйл ажиллагаа явуулдаг.

    Тус компани ОХУ, Хятад улсуудаас тоног төхөөрөмж сэлбэг материалаа худалдан авдаг ба үйлдвэрлэгчидтэй нь шууд харьцдаг тул үнийн хувьд хямд байдаг. Тоног төхөөрөмжүүдийг худалдан авахдаа цаашид энэ үйлдвэр ямар хугацаанд сэлбэг материалаар хангахыг чухалчилдаг тул бид өөрсдийн нийлүүлсэн тоног төхөөрөмжүүдийн сэлбэг хэрэгсэлийг цаашид бүрэн хангах, засвар үйлчилгээ хийх  боломжтой. Тогтмол сэлбэг материалын нөөцтэй байдгаараа онцлогтой юм.                Тус компани нь ОХУ – ын Чувашторгтехника компаний Монгол дахь албан ёсны борлуулагч  мэргэжлийн ганц компани. 2012 оны 8-р сард тус компаний төлөөлөгчид Чувашторгтехника  компаний албан ёсны дистрибьютерүүдийн  уулзалтанд оролцон тус үйлдвэрийн шинэ тоног төхөөрөмж, шинэ үйлдвэрийн байр ажиллагаатай танилцан өөрийн орны нөхцөл байдал, хэрэглэгчдийн санал гомдлыг дамжуулан уламжилсан.

    Энэ компаний бүтээгдэхүүнүүд нь чанар стандартын шаардлага хангасан, хэрэглэгчдийн таашаалд нийцсэн ISO 9001: 2008 хангасан  бүтээгдэхүүнүүд байдаг. Түүнчлэн тоног төхөөрөмжийн хоол хүнстэй харьцдаг хэсгийг AISI 304, 316, 321 маркийн зэвэрдэггүй гангаар хийдэг  ба  харин хүнстэй харьцдаггүй хэсгийг  AISI 202 ,430 маркийн гангаар хийдэг .

    Түүнчлэн БОЯ, Озоны Үндэсний албатай хамтран Монериалийн протоколд  1999 оноос нэгдэн орж  озон задалдаг бодисын хэрэглээг үгүй болгон  байгаль орчинд хоргүй бодисоор цэнэглэгдсэн хөргөх төхөөрөмжүүдийг импортоор оруулан  борлуулж байна.

    Үйл ажиллагаандаа байнга шинэ шилдэг дэвшилтэт техник технологийг нэвтрүүлэн ажилладаг ба хэрэглэгчдэд үргэлж шинэлэг, техник технологийн дэвшил болсон бараа бүтээгдэхүүн тоног төхөөрөмж импортлон оруулж ирж хүргэхийг нэн тэргүүний зорилгоо болгон ажилладаг.

    2012 онд Чувашторгтехника компаний шинэ бүтээгдэхүүн болох уурын чаналгын аппаратын бүрэн болон хагас автомат шүүгээ, угаалгын бүрэн автомат машинуудыг иж бүрдлээр нь оруулж ирэн худалдаалж байна. Энэ уурын чаналгын аппарат нь 1,2-р хоолны тогоо, шарах шүүгээг бүрэн орлох төхөөрөмж ба эрүүл хоол хэрэглэх бололцоогоор хэрэглэгчдийг хангаж өгдөг ба хүнсний ногооны хорогдол гаргадаггүй дэвшилтэт технологи бүхий тоног төхөөрөмж юм.